Матбуот маркази
“Ўзкимёсаноат” акциядорлик жамияти томонидан бир қатор вазирлик ва ташкилотларга кимёвий дезинфекция маҳсулоти тақдим этилди
“Ўзкимёсаноат” акциядорлик жамияти томонидан мамлакатимизда COVID-19 коронавирус инфекциясининг тарқалишининг олдини олишга ҳамда аҳоли саломатлигига таҳдид солувчи турли юқумли касалликлар ва инфекциялардан ҳимоя қилишга қаратилган профилактик тадбирларни янада самарали ташкил этишга кўмаклашиш мақсадида ташкилот тизимидаги “Навоийазот” акциядорлик жамиятида ишлаб чиқарилаётган дезинфекция амалиётида қўлланиладиган натрий гипохлорит маҳсулоти бир қатор вазирлик ва ташкилотларга беғараз тақдим этилди. Жумладан, натрий гипохлорит Ўзбекистон Республикаси Ички ишлар вазирлиги ва ҳудудий бошқармалари, Ўзбекистон Республикаси транспорт вазирлиги, Ўзбекистон Республикаси экология ва атроф муҳитни муҳофаза қилиш давлат қўмитаси каби ўнга яқин вазирлик ва ташкилотларга “Жиззах пластмасса” АЖ томонидан ишлаб чиқарилган 60 литрлик пластик тараларга солиб, тақдим этилди.
Республика Вирусиология илмий-текшириш институти ва Санитария-эпидемиологик осойишталик агентлигига кимёвий дезинфекция маҳсулоти тақдим этилди
“Ўзкимёсаноат” акциядорлик жамияти томонидан мамлакатимизда COVID-19 коронавирус инфекциясининг тарқалишининг олдини олишга ҳамда аҳоли саломатлигига таҳдид солувчи турли юқумли касалликлар ва инфекциялардан ҳимоя қилишга қаратилган профилактик тадбирларни янада самарали ташкил этишга кўмаклашиш мақсадида ташкилот тизимидаги “Навоийазот” акциядорлик жамиятида ишлаб чиқарилаётган дезинфекция амалиётида қўлланиладиган натрий гипохлорит маҳсулотини Ўзбекистон Республикаси Соғлиқни сақлаш вазирлиги ҳузуридаги Республика Вирусиология илмий-текшириш институти ва Санитария-эпидемиологик осойишталик агентлигига беғараз тақдим этилди.
“Наврўз” умумхалқ байрами билан!
“Ўзкимёсаноат” акциядорлик жамияти барча ватандошларимиз ва юртимиз мехмонларини “Наврўз” умумхалқ байрами билан муборакбод этади! Сизга ва оила аъзоларингизга сиҳат-саломатлик, узоқ умр, оилавий бахт-саодат, юртимиз ободлиги ва халқимиз фаровонлиги йўлидаги фаолиятингизда улкан муваффақиятлар тилаймиз!
Тайинлов
“Деҳқонобод калий заводи” АЖ Бошқарув раисининг янги ўринбосарлари тайинланди.
“Maxam-Chirchiq” акциядорлик жамияти томонидан ўтказилган кўкаламзорлаштириш лойиҳаси доирасида 5500 дона дарахтлар ва 40 000 дона гуллар экилди
“Ўзкимёсаноат” акциядорлик жамияти томонидан тизимидаги корхона ва ташкилотлар ҳамда уларга туташ ҳудудларда “Атроф-муҳит ҳимоясига барчамиз масъулмиз!” шиори остидаги кўкаламзорлаштириш лойиҳасининг навбатдаги тадбири жорий йилнинг 14 март куни “Maxam-Chirchiq” акциядорлик жамиятида ташкил этилди.
