Ходимларнинг коррупцияга қарши курашиш кўникмаларини ошириш мақсадида махсус ўқув курси ташкил этилди

Бугун «Ўзкимёсаноат» АЖда ходимларнинг коррупцияга қарши курашиш кўникмаларини ошириш мақсадида махсус ўқув курси бошланди. 

«Cert Academy Group» халқаро тренинг ташкилоти билан ҳамкорликда ўтказилаётган мазкур курсда ИСО 37001:2016 халқаро стандартига мувофиқ коррупцияга қарши кураш чоралари, унинг келиб чиқиш сабаблари, жамият учун оқибатлари, шунингдек, антикоррупцион менежментнинг асосий терминлари ҳақида тушунчалар берилмоқда. 

Қолаверса, жамиятда коррупцион хавф-хатарларни камайтириш, ташкилотнинг таркибий бўлинмаларида коррупцияга қарши менежмент тизимларининг ички аудитини олиб боришдаги аҳамияти ҳақида тушунтирилмоқда.    

Махсус ўқув курси 3 кун давом этиши режалаштирилган.

«Ўзкимёсаноат» АЖ Матбуот хизмати