Matbuot markazi
“O'zekspomarkaz”da VIII Xalqaro sanoat yarmarkasi va Kooperatsiya birjasi yakunlandi
Prezidentimiz Islom Karimovning 2007 yil 12 noyabrda qabul qilingan “Ichki tarmoq va tarmoqlararo sanoat kooperatsiyasini yanada kuchaytirish chora-tadbirlari to'g'risida”gi farmoniga muvofiq o'tkazib kelinayotgan sanoatchilarning mazkur an'anaviy forumi mamlakatimizning mahalliy xomashyolardan foydalangan holda ishlab chiqarishning yangi tur va yo'nalishlarini rivojlantirish borasidagi yutuqlarini yana bir bor namoyish etdi. Kooperatsiya birjasi ishtirokchilari korxonalar sanoat tarmoqlari ehtiyojlarini baholab, rivojlanish istiqbollarini belgilash, kelgusi yil uchun mahsulotlar ishlab chiqarishni rejalashtirish va buyurtmalar portfelini shakllantirish imkoniga ega bo'ldi.
Hamkorlik ko'lami kengaymoqda
O'zbekiston va Xitoy xalqlari o'rtasidagi do'stlik va hamkorlik bugungi kunda yangi mazmun kasb etib, izchil rivojlanib bormoqda. O'zbekiston Respublikasi Prezidenti Islom Karimovning 2014 yilning avgust oyida Xitoyga davlat tashrifi ikki tomonlama strategik sheriklik munosabatlarini yangi bosqichga ko'tardi. Mazkur tashrif doirasida umumiy qiymati 5,2 milliard AQSh dollariga teng loyihalar bo'yicha yigirmadan ziyod hujjat, shuningdek, 800 million dollar miqdorida savdo shartnomalari imzolangani va shu tariqa jami 6 milliard dollarlik kelishuvga erishilgani o'zaro hamkorlik ko'lami yanada kengayib borayotganidan dalolat beradi.
2014 yil yanvar-senyabr oylarining yakunlari bo'yicha “O'zkimyosanoat” DAK korxonalari faoliyati to'g'risida
2014 yilning 9 oyi yakunlari bo'yicha “O'zkimyosanoat” korxonalarida 1479 mlrd. so'mlik tovar mahsulot (o'sish sur'ati 104,1%) hamda 140,7 mlrd.so'mlik xalq iste'mol mollari (o'sish sur'ati 129,5%) ishlab chiqarildi. Sof holda 881,91 ming tonna mineral o'g'itlar, shu jumladan 718,55 ming tonna azotli o'g'itlar, 101,72 ming tonna fosforli o'g'itlar va 61,64 ming tonna kaliyli o'g'itlar ishlab chiqarildi.
Istiqlolimizning 23-yilligi bilan tabriklaymiz!
“O'zkimyosanoat” davlat aksiyadorlik kompaniyasi respublikamiz kimyogarlari nomidan O'zbekiston xalqini hammamiz uchun eng ulug', eng aziz sana – Vatanimizning Mustaqillik kuni, Istiqlolimizning 23-yilligi bilan tabriklaydi!
Ushbu nurafshon ayyomda barchaga mustahkam sog'liq, yaxshi kayfiyat,oilaviy baxt-saodat va yangidan-yangi muvaffaqiyatlar tilaymiz!
El-yurtimiz omon, osmonimiz musaffo, Mustaqilligimiz abadiy bo'lsin!
O'zbekiston − Xitoy: strategik sheriklikning yangi qirralari
Xitoy va O'zbekiston o'rtasidagi ikki tomonlama munosabatlar rivojiga 1991 yilning 27 dekabrida asos qo'yilgan – shu kuni Xitoy O'zbekiston mustaqilligini tan olgan. Diplomatiya munosabatlari esa 1992 yil 2 yanvari kuni o'rnatilgan edi. Oradan o'tgan yillar davomida siyosiy, savdo-iqtisodiy, kredit-moliya va madaniy-gumanitar sohalardagi hamkorlikning o'suvchanligi bilan O'zbekiston – Xitoy sherikligi ajralib turdi. Zamonaviy bosqichda barcha sohalardagi aloqalarni qamrab olgan O'zbekiston-Xitoy hamkorligi do'stona va o'zaro manfaatli munosabatlar xususiyatini kasb etgan. Ikki davlat rahbarlarining o'zaro ishonchga asoslangan munosabatlari bunga asos bo'lib kelmoqda. Muntazam tus olgan oliy darajadagi, jumladan, xalqaro va mintaqaviy tuzilmalarning sammitlari doirasidagi tashriflar hamda uchrashuvlar bu fikrning tasdig'idir.
