“Oʻzkimyosanoat” AJ va tarmoq korxonalari “InnoWeek.Uz“ xalqaro innovatsion gʻoyalar haftaligida ishtirok etdi

Maʼlumki, Davlatimiz rahbarining 2018-yil 27-apreldagi “Innovatsion gʻoyalar, texnologiyalar va loyihalarni amaliy joriy qilish tizimini yanada takomillashtirish chora-tadbirlari toʻgʻrisida”gi PQ-3682-son Qaroriga asosan har yili anʼanaviy tarzda “InnoWeek.Uz“ xalqaro innovatsion gʻoyalar haftaligi oʻtkazib kelinmoqda.

Ayni kunlarda poyxatimizda “InnoWeek.Uz xalqaro innovatsion gʻoyalar haftaligi boʻlib oʻtmoqda. Unda dunyoning 30 yaqin davlatlaridan jami 150 nafardan ortiq vakillar, xorijiy va mahalliy ekspertlar,  tashkiltlar va korxonalar ishtirok etishmoqda. 

“Oʻzkimyosanoat” AJ  va tarmoq korxonalari oʻz innovatsion mahsulotlari bilan ishtirok etishmoqda. 

Xususan, ilgari xorijdan import qilingan vanadiyli katalizator, ishlatilgan rux sorbentlaridan olingan rux oksidi hamda Oʻzkimyosanoat  Aj va tarmoq korxonalari mutaxassislari tomonidan mahalliylashtirilgan rux nitrati va yana bir qancha innovatsion mahsulotlar namoyish qilinmoqda. 

Xorijiy ilmiy-innovatsion markazlar, investitsiya jamgʻarmalari, texnologik agentliklar, texnoparklar va biznes inkubatorlar ishtirokida boʻlib oʻtayotgan mazkur tadbir mavjud innovatsion texnologiyalar bilan tanishish barobarida sarmoyadorlarni jalb etish va ishonchli hamkorlar topish uchun muhim platforma hamdir. 

Shu bilan birga “InnoWeek.Uz-2024”  mutlaqo yangi innovatsion yondashuv va jarayonlar borasida oʻzaro fikr almashish uchun ham maydon vazifasini oʻtamoqda.

“Oʻzkimyosanoat” AJ Matbuot xizmati