D.I.Mendeleyev nomidagi RKTUning Toshkent shahridagi filialida kirish imtihonlari boʻlib oʻtdi
https://pda.uzkimyosanoat.uz/oz/press/news/d-i-mendeleyev-nomidagi-rktuda-kirish-imtihonlari-bo-lib-o-t
D.I.Mendeleyev nomidagi Rossiya kimyo texnologiyalari universiteti Toshkent shahridagi filialida 2024-2025-oʻquv yili uchun kirish imtihonlari boʻlib oʻtdi.
Bugun abituriyentlar rus tili fani boʻyicha bilimlarini sinovdan oʻtkazishdi. Kimyo va informatika fanlari boʻyicha imtihonlar 22-23-avgust kunlari boʻlib oʻtadi.
Maʼlumot uchun, mazkur OTMda 500dan ortiq boʻlajak kimyogarlar tahsil olmoqda. Taʼlim kunduzgi va sirtqi shaklda olib boriladi. 73 nafar professor-oʻqituvchilar yoshlarga sifatli taʼlim berishmoqda. Bakalavriat – 8 ta, magistratura – 2 ta, ixtisoslashgan mutaxassisliklar boʻyicha 2 ta taʼlim yoʻnalishlari mavjud.
2024-2025 oʻquv yilida– pedagogika, farmatsiya, yadroviy yoqilgʻi sikli materialining kimyoviy texnologiyasi, yuqori molekulyar birikmalarning kimyoviy texnologiyasi kabi yana 4 ta yangi taʼlim yoʻnalishlari boʻyicha ham qabul boʻlib oʻtdi.
“Oʻzkimyosanoat” AJ Matbuot xizmati