"Ўзкимёсаноат" АЖда "Хон атлас" фестивали

Маълумки, Оила ва хотин-қизлар қўмитаси томонидан республикамизда миллий либосимизда халқимиз урф-одатлари, диди, эстетик қарашлари, шунингдек, ўзига хос хусусиятлари мужассамлигини намоён этиш мақсадида "Хон атлас" фестивали ўтказилмоқда.

"Ўзкимёсаноат" АЖ нинг лобар хотин-қизлари ҳам бугун ишга расмий ва одатий кийимда эмас, балки миллий адрас ва атлас матоларимиздан тикилган либосларда келишди.

Маълумот ўрнида, ўзбек миллий шойи матолари - атлас ва адрасни тайёрлаш технологияси ЮНЕСКО Номоддий маданий меросни муҳофаза қилиш бўйича илғор тажриба рўйхатига киритилган.